Aprel şəhidinin anası: "Komandirə deyib ki, səni ölməyə qoymayacağıq"

"Zəfərə ilk yol açan bizim balalarımız - Aprel şəhidləri olub".

Bu sözləri Aprel döyüşlərinin (2016 - red.) qəhrəman şəhidi Rəvan Nurayevin anası Həvva Nurayeva Baku TV-nin hazırladığı reportajda deyib.

Şəhid anası Rəvanla bağlı xatirələrindən danışarkən söyləyib ki, sonuncu dəfə oğlunu məzuniyyətə gələndə görüb.

H.Nurayeva övladının döyüş yolundan da söz açıb və onun böyük şücaət göstərərək şəhidlik zirvəsinə yüksəldiyini bildirib:

"Döyüşdə yaralansa da dayanmayıb, qanı axa-axa qabağa gedib. Komandirə deyib ki, səni ölməyə qoymayacağıq. Daha sonra ikinci dəfə vurulub və şəhid olub".