Abel Məhərrəmovun yerinə təyin olunan nazir müavini vəzifəsinin icrasına başladı

Təhsil nazirinin müavini Firudin Qurbanov Bakı Dövlət Universitetinin rektoru vəzifəsinin icrasına başlayıb.Bu barədə BAKU.WS-ə BDU-nun Mətbuat və informasiya şöbəsindən məlumat verilib. O, bu gün universitetin prorektorları və müşavirlərlə görüşərək müvafiq müzakirələr aparıb, tapşırıqlar verib.Qeyd edək ki, təhsil nazirinin müavini F.Qurbanov dekabrın 21-də BDU-ya rektor əvəzi təyin edilib. Bu barədə təhsil naziri Ceyhun Bayramov əmr imzalayıb. F.Qurbanov eyni zamanda təhsil nazirinin müavini vəzifəsində qalacaq. BAKU.WS