Prezident Xaçmaz üçün 700 min manat ayırdı

Prezident İlham Əliyev Xaçmaz rayonunda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.

BAKU.WS xəbər verir ki, sərəncama əsasən Xaçmaz rayonunun əhalisi 13400 nəfər olan 10 yaşayış məntəqəsində 10 ədəd subartezian quyusunun layihələndirilməsi və qazılması məqsədilə Azərbaycan Meliorasiya və Su Təsərrüfatı Açıq Səhmdar Cəmiyyətinə 700 min manat ayrılıb.

Maliyyə Nazirliyinə bu maliyyələşməni təmin etmək tapşırılıb.