VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bibiheybət yolunda tikinti-bərpa işlərinin may ayının sonuna qədər yekunlaşdırılması nəzərdə tutulub.

Bunu BAKU.WS-ə Azərbaycan Avtomobil Yolları Dövlət Agentliyinin mətbuat katibi Anar Nəcəfli deyib.

O bildirib ki, hazırda Bibiheybət yolunda tikinti-bərpa işləri davam etdirilir: “Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Azərbaycan Avtomobil Yolları Dövlət Agentliyi və xarici mütəxəssislərin iştirakı ilə bərpa işləri ilə bağlı layihə hazırlanıb. Həmin layihə əsasında bərpa və tikinti işləri həyata keçirilir. Yeni il öncəsi iki hərəkət zolağı istifadəyə verildi, daha iki hərəkət zolağının təmir işləri yekunlaşdıqdan sonra bərpa olunması nəzərədə tutulub.

Qeyd edim ki, yamacın iki hissəsində soy əsaslı dəmir beton istinad divarları inşa olunacaq və artıq bu istiqamətdə yamacın aşağı hissəsində işlərə başlanılıb. İki cərgə olmaqla bir metr diametrində svaylar vurulur və üzərində artıq istinad divarının inşasına hazırlıq işləri görülür. Sonradan yamacın orta hissəsində təmir işləri aparılacaq. Bundan sonra yolun tam bərpası mümkün olacaq. Bu ilin may ayının sonuna qədər işlərin yekunlaşdırılması nəzərdə tutulub”.

Orxan Hüseyn
BAKU.WS
QALEREYA