Mehriban Əliyeva Kamil Musavinin əməliyyat xərclərini öz üzərinə götürdü

Heydər Əliyev Fondu Azərbaycan Silahlı Qüvvələrinin Kəşfiyyatçısı, Baş Leytenantı Kamil Musavinin əməliyyat xərclərini öz üzərinə götürüb. BAKU.WS xəbər verir ki, bu barədə Qarabağ qazisi şəxsi Instagram hesabında yazıb. Kamil Musavi əməliyyat xərclərini qarşıladığı üçün Azərbaycan Respublikasının Birinci vitse-prezidenti Mehriban Əliyevaya təşəkkür edib: "Bizi diqqətdən kənarda qoymadığınız üçün çox sağ olun Mehriban xanım. Sağ olun ki, qayğınızı əsirgəmirsiz. Dostlar, 18.09.2019-cu ildə Bona Dea xəstəxanasında ağır əməliyyat olacağam. Bizi dualarınızdan kənarda qoymayın".Qeyd edək ki, Kamil Musavi 2015-ci ilin oktyabr ayında Naftalan, Talış kəndi istiqamətində gedən döyüşlərdə kəşfiyyat qrup komandiri vəzifəsində döyüş tapşırığı yerinə yetirərkən düşmənin minasının partlaması nəticəsində ayağını və gözünü itirmişdir.