30 manatlıq birdəfəlik maddi yardım 24 min əlilliyi olan şəxsi əhatə edib

Həssas əhali qruplarına dəstək məqsədilə həyata keçirilən sosial təşəbbüs çərçivəsində 3 Dekabr – Beynəlxalq Əlilliyi olan Şəxslər Günü münasibətilə müvafiq kateqoriyaya aid şəxslərə birdəfəlik maddi yardım göstərilib.

BAKU.WS xəbər verir ki, bu barədə Agentliyin sədri Vüqar Behbudov qurumun 2025-ci ilin yekunlarına həsr olunmuş mətbuat konfransında məlumat verib.

Qurumdan bildirilib ki, ünvanlılığın və daha ədalətli, obyektiv yanaşmanın təmin olunması məqsədilə maddi yardımlar müraciət edən şəxslər arasından orqanizmin funksiyalarının 81–100 faiz pozulmasına görə I dərəcə əlilliyi olan şəxslərə, əlilliyi olan uşaqlara və əlilliyi olan tənha ahıllara ödənilib.

Məlumata görə, 30 manat məbləğində birdəfəlik maddi yardım respublika üzrə ümumilikdə 24 min imtiyazlı şəxsi əhatə edib.