Uşaqlar arasında bu virus artmağa başlayıb - Valideynlərin NƏZƏRİNƏ
![Uşaqlar arasında bu virus artmağa başlayıb - Valideynlərin NƏZƏRİNƏ](https://baku.ws/storage/photos/thumbs/large/1709032891_mg_1895.webp)
Koksaki virusları artıq uşaqlar arasında artmağa başlayıb.
BAKU.WS xəbər verir ki, bu barədə Trend-in suallarını cavablandıran pediatr-reanimatoloq Qoşqar İsmayılov deyib.
O qeyd edib ki, bu virusa yoluxan zaman, əsasən, əl və ayaqda, göz ətrafında səpkilər olur.
“Səpkilər sulanan suçiçəyi səpkilərinə bənzəyir. Buna bəzən "əl-ayaq-ağız xəstəliyi" deyilir. Əsasən məktəbəqədər dövrdə daha çox rast gəlinir. Ağız içərisində yaralar olur, hərarət yüksəlir. Onun formaları var ki, hətta böyük uçuqlara da keçə bilər”,- deyə o bildirib.
Xatırladaq ki, Azərbaycanda son illər yoluxucu xəstəliklərə qarşı aparılan profilaktik tədbirlər nəticəsində qızılca xəstəliyi üzrə sabit epidemioloji vəziyyət müşahidə olunsa da, 2023-cü ilin aprel ayından başlayaraq əhali arasında bu xəstəliyin sporadik yayılma halları qeydə alınıb. Yoluxma, əsasən, uşaqlar arasında müşahidə edilib. 2022-ci ildə ölkə ərazisində 1 nəfərdə qızılcaya yoluxma halı qeydə alınsa da, 2023-cü ilin yanvar-noyabr aylarında 1493 nəfər bu xəstəliyə yoluxub.
Oxşar xəbərlər
Əvvəlki illərdə qızılcadan ölüm sayı nə qədər olub? - STATİSTİKA
Son günlər qızılca xəstəliyinə yoluxanların sayı durmadan artır və onlar arasında ölüm halları da əvvəlki illərlə müqayisədə çoxalır. Həkimlərin sözlərinə görə,...