Umayra Tağıyeva: “Azərbaycanda ən çox sel və daşqın hadisələri bu il qeydə alınıb”

“Azərbaycanda ən çox sel və daşqın hadisələri bu il qeydə alınıb. Belə ki, bu ilin 8 ayında ölkədə 140-dan çox belə təbiət hadisəsi baş verib”.

BAKU.WS report-a istinadən xəbər verir ki, bunu ekologiya və təbii sərvətlər nazirinin müavini Umayra Tağıyeva pestisidlərin həyat dövriyyəsinin idarə edilməsinə həsr olunan regional seminarda çıxışı zamanı deyib.

O bildirib ki, ətraf mühitin qorunmasına böyük önəm verir:“İnkişafın davamlılığı ətraf mühitin qorunması nəticəsində mümkün ola bilər. İqlim dəyişiklikləri kənd təsərrüfatı və qida təhlükəsizliyi sahəsində problemlərə gətirib çıxarır”.