Şəhid Azər Məmmədovun övladı dünyaya gəlib - FOTO
![Şəhid Azər Məmmədovun övladı dünyaya gəlib - FOTO](https://baku.ws/storage/photos/thumbs/large/1685107464_80010101-1ec8-43d4-bc02-06bf5be5ad7d.webp)
“YAŞAT” Fondunun Vətən müharibəsindən sonra dünyaya gələn şəhid övladları üçün həyata keçirdiyi "Onlar bizə əmanət" layihəsi davam edir.
BAKU.WS xəbər verir ki, 12-13 sentyabr tarixində Ermənistan silahlı qüvvələrinin törətdiyi genişmiqyaslı təxribatın qarşısı alınarkən şəhid olan qəhrəmanımız Azər Məmmədovun Sumqayıt şəhərində doğulan övladı Azayın zəruri xərcləri Fond tərəfindən qarşılanıb.
Bu məqsədlə 1000 AZN vəsait ananın hesabına köçürülüb. Dünyaya yeni göz açan körpə - Azayın adına isə depozit hesabı açılacaq və 5000 AZN vəsait onun hesabına yerləşdiriləcək. Həmin hesaba vəsait Fonda edilən ianələr hesabına toplanmış məbləğdən köçürülür.
Şəhidin övladı həmin vəsaiti üzərinə mütəmadi toplanan faizləri ilə birlikdə 18 yaşına çatdıqdan sonra hesabından çıxara biləcək.
Layihə indiyədək 106 şəhid övladını əhatə edib.
Qalereya
Oxşar xəbərlər
Daha 3 şəhidin yeni doğulan övladına hesab açılacaq - FOTO
"YAŞAT” Fondunun Vətən müharibəsindən sonra dünyaya gələn şəhid övladları üçün layihəsi davam edir. Fonddan BAKU.WS-ə verilən məlumata görə, şəhidimiz Gəray Sol...