Bu ilin üç ayında uşaqlara ən çox qoyulan adlar açıqlanıb - SİYAHI
![Bu ilin üç ayında uşaqlara ən çox qoyulan adlar açıqlanıb - SİYAHI](https://baku.ws/storage/photos/thumbs/large/1648793783_782d73fc-e265-3f72-ba29-adc2e5151057_850.webp)
Bu ilin birinci rübündə Azərbaycanda uşaqlara ən çox qoyulan adlar məlum olub.
BAKU.WS xəbər verir ki, "report" uşaqlara qoyulan adlar arasında ilk onluğu əldə edib.
Məlum olub ki, bu ilin ilk üç ayı ərzində oğlan uşaqlarına ən çox verilən ad Hüseyn olub. Bu ad yanvar, fevral və mart ayları ərzində 326 uşağa qoyulub.
Bundan əlavə, doğumu qeydə alınan körpələrdən oğlan cinsindən olanlardan 306 uşağa Uğur, 297 uşağa Əli, 270 uşağa Yusif, 201 uşağa Məhəmməd, 176 uşağa Ömər, 172 uşağa Murad, 163 uşağa Raul, 140 uşağa Tunar və 128 uşağa isə Ayxan adı verilib.
Həmçinin bu ilin üç ayı ərzində qız uşaqları arasında Zəhra adı birinciliyi qoruyub. Bu ad yanvar, fevral və mart aylarında 321 uşağa qoyulub.
Bundan əlavə, 258 uşağa Zeynəb, 244 uşağa Məryəm, 231 uşağa Aylin, 200 uşağa Fatimə, 193 uşağa Mələk, 183 uşağa Nilay, 171 uşağa İnci, 170 uşağa Nuray və 163 uşağa isə Dəniz adı verilib.
Oxşar xəbərlər
2021-ci ildə Azərbaycanda uşaqlara ən çox qoyulan adlar - SİYAHI
Ötən il Azərbaycanda uşaqlara ən çox qoyulan adlar məlum olub. BAKU.WS “Report”a istinadən xəbər verir ki, 2021-ci il ərzində uşaqlara qoyulan adlar arasında il...