VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Kirayə mənzil bazarında ay ərzində qiymətlərdə 3.58% azalma baş verib".

BAKU.WS xəbər verir ki, bu sözləri "lent.az"a açıqlamasında daşınmaz əmlak bazarı üzrə ekspert Nüsrət İbrahimov deyib.

O bildirib ki, ucuzlaşma ötən ilin eyni dövrü ilə müqayisədə 3,12% təşkil edib:

"Ay ərzində bahalaşma ikiotaqlılarda və çoxotaqlılarda olub. Birotaqlı və üçotaqlılarda isə ucuzlaşma qeydə alınıb.

2020-ci ilin eyni dövrü ilə müqayisə etdikdə isə bütün otaqlar üzrə ucuzlaşma var. Bahalaşma əsasən ucuz evlərdə qeydə alınıb və qiymətlər 9.33% artıb".

N.İbrahimov qeyd edib ki, təkrar mənzil bazarında ay ərzində 0,94%, il ərzində isə 2,59% azalma qeydə olunub:

"İlkin mənzil bazarında ay ərzində 0,73% artım, il ərzində isə 3,51% azalma müşahidə edilib".

Ekspert son olaraq mənzil bazarında ucuzlaşmanın səbəblərindən də söz açıb:

"Buna ilkin olaraq səbəb tələbin aşağı düşməsidir. Pandemiya dövründə təhsildə baş verən dəyişikliklərə görə regionlardan şəhərə gələn tələbələrin sayının kəskin aşağı düşməsi, digər tərəfdən də əhalinin real gəlirinin azalması mənzil bazarında ucuzlaşmaya gətirib çıxarıb".

BAKU.WS