Oğlu Zeynəb Xanlarova ilə bağlı şayiələrə cavab verdi: Övladı olaraq deyə bilərəm ki, anamın...

Milli Məclisin deputatı, xalq artisti Zeynəb Xanlarovadan uzun müddətdir ki, xəbər yoxdur. Bəzi iddialara görə, sənətkarın səhhətində problemlər yaranıb.BAKU.WS xəbər verir ki, modern.az iddialara cavab almaq üçün oğlu Ramin Babayevlə əlaqə saxlayıb. Ramin Babayev açıqlamasında deyib ki, anasının səhhəti normaldır və o, sənəti ilə məşğuldur. “Bilirəm ki, Zeynəb Xanlarova ilə hamı maraqlanır. Araya bir az sükut çökən kimi şayiələr yayılır. Övladı olaraq deyə bilərəm ki, anamın səhhəti çox yaxşıdır. Yay boyunca həm istirahət edib, həm də sənəti ilə məşğul olub. Gah Amerikada, gah da Türkiyədə olur. Bu yaxınlarda Türkiyənin paytaxtı Ankara da daxil olmaqla, bir neçə şəhərdən konsert verməsi ilə bağlı təkliflər gəlib. Çalışır ki, təklifləri cavabsız qoymasın, konsertlər versin. Demək olar ki, Zeynəb xanım tez-tez Azərbaycana gəlib-gedir. Yeni mövsümdən ölkədə olacaq”.BAKU.WS