Futbola baxanları qınayıb, özləri tənqid olundular - "Heç bir ciddi kişi futbolla maraqlanmır"

Yazıçı Günel Mövlud və "Qanun" nəşriyyatının direktoru Şahbaz Xuduoğlunun futbolla bağlı fikirləri sosial şəbəkələrdə geniş müzakirələrə səbəb olub.

BAKU.WS xəbər verir ki, onlar, bu barədə düşüncələrini öz feysbuk hesablarında paylaşıblar.

Qətərdə keçirilən dünya çempionatının davam etdiyi bir vaxtda G.Mövlud futbola baxanları bikar adlandırıb. O bildirib ki, tanıdığı heç bir ciddi kişi futbolla maraqlanmır.

Şahbaz Xuduoğlu isə bu oyun növünü qlobal cəhənnəm adlandırıb. Həmçinin qeyd edib ki, bu, kütləvi psixozdur.