Əməkdar artistdən aparıcılara: "Efirə dəvət edərkən sənət adamlarını əzməyin!" - VİDEO

Əməkdar artist Firuzə İbadova "7 Canlı" proqramına qonaq olub.

BAKU.WS xəbər verir ki, veriliş zamanı sənətçi yenidən ev məsələsinə toxunub. O, aparıcılara səslənərək "Efirə dəvət edərkən sənət adamlarını əzməyin" deyib:

"Ola bilsin balaca komadan çıxmışam. Sovet dövründə balaca evlərdə böyük ailələr qalırdı. Şərt deyil, hansı evdən çıxıb gəlirəm. Tamaşaçı qarşısında əsas Firuzə kimi onların gözünü oxşayım sənətimlə, musiqimlə. Verilişə dəvət edərkən illərini sənətə həsr edən insanları əzməyin. Mənim problemim qaldı evdə, efirdə musiqi dili ilə danışacam".

Xatırladaq ki, bir müddət əvvəl Əməkdar artistin "Günün sədası" verilişində mənzilinin şəraitsiz vəziyyətdə olması ilə bağlı videomaterial yayımlanmışdı.