Dilarə Əliyeva: "Bu uşaqda səmaların sirri var"

Əməkdar artist Dilarə Əliyeva sosial şəbəkədə nəvəsi Aygüllə bağlı paylaşım edib.

BAKU.WS xəbər verir ki, aktrisa qızı Aytənin övladı ilə fotolar paylaşaraq bu sözləri yazıb: 

"Adı kimi ay işığına bürünüb gəlmiş, gecəmin sakitliyi, gündüzümün gülüşü. Balaca əlləri ilə həyatın ən saf nəğməsini yazır, hər addımı sanki dua kimi yerə dəyir. O danışanda küləklər belə susur, çünki bu uşaqda səmaların sirri var. Gözlərindəki parıltı min illik ulduzlardan miras, qəlbi - çiçəklər kimi incə, büllur kimi şəffaf.

Aygül böyüyür, amma mənim üçün o həmişə ilk dəfə Dilarə səslənişi ilə yadımda qalacaq. Bir gülüşüylə baharı gətirən, bir baxışıyla bütün dərdləri unutduran.

Ey Tanrım, onu qoru bu dünyanın səs-küyündən, hissiz insanların daş baxışlarından... Çünki Aygül yalnız bir uşaq deyil, O, bir nurdur... Qəlbimdə əbədi açan təkcə bir gül".

Qalereya