Bir sıra müsəlman ölkələrində Məhəmməd peyğəmbərin mövlud günü qeyd edilir

Bir sıra müsəlman ölkələri hicri təqvimlə Rəbiüləvvəl ayının 12-sini Məhəmməd peyğəmbərin (s.ə.v.) mövludu günü kimi qeyd edir.

BAKU.WS xəbər verir ki, miladi təqvimlə həmin gün isə oktyabrın 17-nə təsadüf edir.

Mənası "doğum yeri və zamanı" olan mövlud sözü İslam mədəniyyətində xüsusilə Məhəmməd peyğəmbərin (s.ə.v.) doğumunu, bu çərçivədə həyat keçirilən tədbir və yazılan əsərləri ifadə etmək üçün istifadə edilir.

Osmanlı imperiyası dövründə dini günlərdə məscid minarələrində qəndil yandırıldığı üçün bu günə "Mövlud qəndili" də deyilir.