İsrailli oriental rəqqasə Anjela Ruvinova xalq artisti Brilliant Dadaşova ilə bir araya gəlib. 

Axşam.az-ın məlumatına görə, ən böyük arzusunun B.Dadaşova ilə görüşmək olduğunu deyən sənətçi onun üçün sürpriz edib. 

İlqar Mikayıloğlu "Xeyrə qarşı" proqramına qonaq olan B.Dadaşovaya sürpriz hazırladığını bildirib. Çəkiliş zamanı Anjela studiyaya gələrək xalq artistinin "Vokaliz" mahnısını rəqs edib. Müğənni təəccübünü gizlətməyib:

"Çox sevindirici haldır ki, "Vokaliz" dünyanı gəzir. 6/8 ritmində olan bir mahnıya oriental oynamaq çox çətindir". 

Anjela B.Dadaşova üçün gətirdiyi hədiyyəni də ona təqdim edib.

Qeyd edək ki, A.Ruvinova Bakıya aparıcı Zemfira Adıgözəlovanın dəvəti ilə gəlib. 

Proqramın sözügedən buraxılışı martın 24-də ATV-də yayımlanacaq.
 
BAKU.WS