IAA ilə Azərbaycanın avtomobil bazarı yeni mərhələyə qədəm qoyur

"IAA Market Alliance"ın rəsmi nümayəndəsi "CarGo Logistic Azerbaijan" beynəlxalq IAA şirkəti ilə birlikdə Bakıda yeni hərrac mərkəzinin açılışını rəsmi olaraq elan edib.

Tədbir IAA şirkətinin nümayəndələrini, "CarGo Logistic Azerbaijan"ın rəhbərliyini, yerli dilerləri və mətbuat nümayəndələrini bir araya gətirib. Tədbir bir neçə əsas hissədən ibarət olub. Tədbirin atmosferi bu hadisənin Azərbaycanın avtomobil bazarının inkişafı üçün nə dərəcədə strateji əhəmiyyətə malik olduğunu vurğulayıb.

Yeni ofis IAA-nın Qafqaz regionunda genişlənməsində əsas əlaqələndirmə nöqtəsinə çevriləcək. Bu tərəfdaşlıq sayəsində Azərbaycandakı müştərilər IAA şirkətinin qlobal rəqəmsal hərrac platformasına birbaşa çıxış əldə edəcək, "CarGo Logistic Azerbaijan"ın peşəkar komandasının təcrübəsindən faydalanaraq yeni xidmət standartını hiss edəcəklər.

"Biz Azərbaycanda bu mühüm hadisəni "CarGo Logistic Azerbaijan"la birlikdə qeyd etməkdən məmnunluq duyuruq. Yeni ofis sürətlə inkişaf edən bu bazarda müştərilərə dünya səviyyəli xidmət göstərmək öhdəliyimizi gücləndirir", - deyə IAA şirkətinin qlobal bazarın inkişafı üzrə rəhbəri Trent Haynes bildirib.

"Bizim üçün Azərbaycanda "IAA Market Alliance"ın tərəfdaşı kimi fəaliyyətə başlamaq təkcə qürur mənbəyi deyil, həm də bütün bazar üçün mühüm fürsətdir. Əminik ki, IAA şirkətinin qlobal potensialını "CarGo Logistic Azerbaijan"ın yerli təcrübəsi ilə birləşdirmək müştərilər üçün yeni şəffaflıq və etimad səviyyəsi yaradacaq", - deyə "CarGo Logistic Azerbaijan"ın direktoru Mişeli Çikvatiya vurğulayıb.

Tədbirin təqdimat hissəsindən sonra IAA və "CarGo Logistic Azerbaijan" şirkətləri arasında strateji ittifaq haqqında müqavilə imzalanıb. Ardınca keçirilən mətbuat konfransı zamanı mətbuat nümayəndələrinin əməkdaşlıq perspektivləri ilə bağlı sualları cavablandırılıb.

"Global Media Group"un sualını cavablandıran Trent Haynes deyib:

"Təqdimatda artıq bu layihənin unikallığını vurğuladıq. Layihə IAA şirkətinin xidmətlərinin və "CarGo Logistic Azerbaijan"ın imkanlarının əsas üstünlüklərini Azərbaycanda bir araya gətirir. Azərbaycan bizim üçün hər zaman perspektivli bazar olub, lakin yeni Bakı ofisinin açılması xüsusi hadisədir. Bu, əlverişli məkanda yerləşən, müştərilər üçün qovşağa çevrilməyə hazır güclü komandası olan müasir məkandır. Ötən il ərzində biz bazarı ətraflı şəkildə öyrəndik, "CarGo Logistic Azerbaijan" ilə görüşdük və onların etibarlı tərəfdaş olduğuna əmin olduq. Bugünkü açılış birgə fəaliyyətin nəticəsi və hər iki şirkət üçün vacib mərhələdir".

Qeyd edək ki, IAA Amerika Birləşmiş Ştatlarından sığorta hadisəsi baş vermiş və istifadə edilmiş avtomobillərin alqı-satqısı üçün nəzərdə tutulmuş aparıcı qlobal rəqəmsal platformadır. 200-dən çox filialı olan şirkət il ərzində 9300-dən çox hərrac keçirir və 2 milyondan çox nəqliyyat vasitəsi satır. Onun alıcıları sırasında Azərbaycan daxil olmaqla 170-dən çox ölkənin nümayəndələri var.

Yeni Bakı ofisi müştəri dəstəyi, diler əməkdaşlığı və bazarın inkişafı üçün qovşaq rolunu oynayacaq. Azərbaycanlı müştərilər qlobal imkanları "CarGo Logistic Azerbaijan" şirkətinin yerli təcrübəsi ilə birləşdirməklə IAA platforması vasitəsilə qlobal nəqliyyat vasitələri inventarına birbaşa çıxış əldə edə biləcəklər.

Əlaqə üçün:

Telefon: ‪(012) 504-27-28.

E-mail: [email protected].

Ünvan: Bakı, Cəfər Cabbarlı küçəsi, 24.

Veb-sayt: cargologistic.az.

"Instagram": www.instagram.com/cargologistic.az.

"Facebook": www.facebook.com/profile.php?id=61576756321814.

"TikTok": www.tiktok.com/@cargologisticaz.

Qalereya