Buzovna-Mərdəkan yolunda yeni “Land Absheron” restoranı fəaliyyətə başlayıb - FOTO/VİDEO

Bakıda, şəhərdən 25 km kənarda, qədim Abşeron torpağında təmiz dəniz havası və sərin küləkləri ilə məşhur olan Buzovna-Mərdəkan yolunda öz fərqli üslubu ilə seçilən yeni “Land Absheron” adlı restoran fəaliyyətə başlayıb.

Restoran əsl Abşeron bağlarına xas dizaynda inşa edilib. Hər gün səhər 08:00-dan gecə 05:00-a kimi qonaqların xidmətindədir.

Restoranın geniş həyəti, bir-birindən fərqli 50 növ ağacları, 80-100 nəfərlik 2 ayrı terası, 10-40 nəfərlik lyüks kabinetləri, açıq mətbəxi, canlı musiqi guşəsi və həyətyanı gəzinti üçün geniş bağı var. Burada açıq havada yerləşən böyük manqalda Azərbaycan mətbəxinin ən dadlı təamları təcrübəli aşbazlar tərəfindən birbaşa közdə bişirilərək müştərilərə təqdim edilir.

Kənd üslubu bişirilən qazan və tava yeməkləri, əsl samovar çayı, eyni zamanda avropa mətbəxini sevənlər üçün də bir-birindən fərqli yeməklər menyuda yer alıb. Hər gün 11:00-a kimi təklif edilən ləziz səhər yeməyi setinin 2 nəfər üçün qiyməti 35 azn-dir. Hər axşam isə açıq havada özəl musiqi zonasında canlı musiqi axşamları keçirilməkdədir.

Restoran eyni zamanda özünün estetik mənzərəsi və binaları ilə fotosevərlər üçün əla bir məkandır. Burada günbatımı və günəşin çıxmasının xüsusi gözəlliyi var. Instagram səhifəsinə göz gəzdirərkən Land Absheron restoranın artıq izləyicilər tərəfindən sevildiyini, tez-tez ziyarət edildiyini və tövsiyə edildiyini görmək mümkündür.

Öyrəndiyimiz məlumata görə Land Absheron adının bir hekayəsi var. Belə ki, Bakının xəritəsinə baxdıqda məkan Abşeron yarımadasının tam gözündə yerləşir. İngilis dilində torpaq mənasına gələn land sözü ilə birlikdə Abşeron torpağı mənasındadır.

Bir sözlə, Land Absheron restoranı şəhərin səs-küyündən uzaqda, dəniz kənarında canlı musiqi dinləyərək istirahət etmək, piknik etmək, dadlı yeməklər yemək və xoş gün keçirmək üçün ideal məkandır. Siz də bağ atmosferində xoş vaxt keçirmək, ailə üzvləri və yaxınlarınızla yığışmaq, səhər yeməyi yemək, eyni zamanda ad günü, yubiley, banket və özəl yığıncaqlar keçirmək üçün tam fərqli məkan axtarırsınızsa Land Absheron restoranına qonaq gələ bilərsiniz.