Zəncirvari qəzada 26 AVTOMOBİL TOQQUŞDU - 13 NƏFƏR YARALANDI - FOTO/VİDEO

Türkiyənin Kocaeli bölgəsində ağır yol nəqliyyat hadisəsi baş verib.

BAKU.WS Türkiyə KİV-ə istinadən xəbər verir ki, ağır tonnajlı tankerdən tökülən mazut yolda zəncirvari qəzaya səbəb olub.

Nəticədə magistral yolda 26 avtomobil toqquşaraq istifadəyə yararsız hala düşüb.

Ötən gün saat 22-00 radələrində baş verən qəza zamanı 2-sinin vəziyyəti ağır olmaqla, 13 şəxs xəsarət alıb.

Hadisə yerinə yanğınsöndürən briqadası, polis və təcili yardımlar cəlb edilib. Yaralılar təcili yardımlarla xəstəxanalara aparılıblar.

Zəncirvari qəza yolda tıxaca səbəb olub. 3 saat sonra yol açılaraq avtomobillərin hərəkəti yenidən bərpa edilib.

Hadisə şahidlərindən birinin sözlərinə görə, tanker sürücüsü xəbəri olmadan nəqliyyat vasitəsindən mazutu axıdaraq sürüb.

Qalereya