Yaponiyada vulkan püskürdü, yeni ada yarandı - VİDEO

Yaponiyanın cənubunda dənizin altında baş verən vulkan püskürməsi yeni bir adanın meydana gəlməsinə səbəb oldu.

Yapon rəsmiləri həmin adanın Ogasawara (Bonin) adalarında meydana gəldiyini bildirirlər. Ogasawara adasının bir hissəsi olan yeni ada, əsasən, partlayış zonasının şimalında əmələ gələn qaya kütlələrindən ibarətdir.

Tokio Universitetinin vulkanologiya üzrə fəxri professor Setsuya Nakada bildirib ki, dəniz altında partlayış bir müddətdir baş verib və vulkandan çıxan lavalar artıq qatılaşıb.