Türkiyədə ulağa toy edib, traktorla bal ayına göndərdilər - FOTO/VİDEO

Türkiyənin Antalya şəhərindən qəribə hadisə baş verib.

BAKU.WS Türkiyə KİV-ə istinadən xəbər verir ki, uzunqulaqların nəslinin kəsilməsinin qarşısını almaq və onlara diqqət çəkmək üçün onlardan birinə toy edilib.

Kumluca bölgəsində baş tutan mərasimində əvvəl hər iki uzunqulaq toy üçün bəzədilib.

Daha sonra onlara muncuq və qızıl taxılıb. Kənd muxtarı Halime Kaya uzunqulağa qızıl boyunbağı bağışlayıb.

Kənd sakinləri isə heyvanla hədiyyə əvəzi ot, kök və yeməsi üçün bəzi qidalar gəitiriblər.

Toy başa çatdıqdan sonra evlənən uzunqulaqlar traktora mindirilərək bal ayına göndəriliblər.

Mərasim barədə danışan səlahiyyətli şəxslər 2030-cu ilə qəədər bu heyvanların nəslinin kəsiləcəyini bildirərək əhalinin diqqətini bura yönəltmək olduğunu qeyd ediblər.