Ukrayna Baş Qərargahı cəbhədəki son vəziyyətlə bağlı məlumat yaydı

Ukrayna Silahlı Qüvvələri Baş Qərargahı cəbhədə son vəziyyətlə bağlı açıqlama yayıb.

BAKU.WS xəbər verir ki, bu barədə Ukrayna Müdafiə Nazirliyinin feysbuk səhifəsində paylaşım edilib.

Məlumata əsasən, son sutkada Rusiya ordusunun 4 döyüş təyyarəsi, 1 helikopteri, 2 pilotsuz uçan aparatı, 2 qanadlı raketi məhv edilib.

Donetsk və Luqansk istiqamətindən Rusiyanın 5 hücumunun qarşısı alınaraq 2 tankı, piyadaların döyüş maşını və avtomobili məhv edilib.

Topolsk, Kamenka və Suxaya Kamenka yaşayış məntəqlərində döyüşlər davam edir.

Qeyd edək ki, Rusiyanın Ukraynada hərbi əməliyyatlara başlamasının 33-cü günüdür.