Türkiyənin "Bayraktar TB3" PUA-sı ilk uçuşunu keçirib - FOTO/VİDEO

Türkiyənin yeni istehsalı olan və silahla təchiz edilmiş "Bayraktar TB3" pilotsuz uçuş aparatının (PUA) ilk uçuşu uğurlu alınıb.

BAKU.WS xəbər verir ki, bu barədə "Baykar" şirkətinin Texniki direktoru Səlcuq Bayraktar "X" sosial şəbəkə hesabında bildirib.

İlk uçuş Türkiyə Cümhuriyyətinin yaradılmasının 100-cü ildönümünə həsr olunub.

"Daha bir arzumuzu səma ilə bir araya gətirdik. "Bayraktar TB3" ilk uçuşunu etdi... Ölkəmizə, millətimizə xeyirli olsun", - Texniki direktor paylaşımında qeyd edib.

Məlumata görə, "Baykar" şirkətinin Texniki direktoru Səlcuq Bayraktarın rəhbərliyi altında həyata keçirilən "Bayraktar TB3"in ilk uçuş sınağı Tekirdağın Çorlu rayonundakı AKINCI Uçuş Tədris və Test Mərkəzində başlayıb.

Bu gün, Cümhuriyyətin 100-cü ildönümünə iki gün qalmış saat 08.30-da havaya qalxan "Bayraktar TB3" havada sistem identifikasiya testlərini uğurla tamamlayaraq 1 saatlıq uçuşu həyata keçirib.

Bir hayalimizi daha gökyüzü ile buluşturduk çok şükür.#BayraktarTB3 ilk uçuşunu gerçekleştirdi... ✈️⚓️🚀

Ülkemize ve Milletimize hayırlı olsun. 🇹🇷#BayraktarTB3 successfully completed its maiden flight. ✈️⚓️🚀 pic.twitter.com/lrb2Neopcs

— Selçuk Bayraktar (@Selcuk) October 27, 2023

Qalereya