Türkiyədə xəstəxanada partlayış oldu - yanğınsöndürən briqadası cəlb edildi - FOTO/VİDEO

Türkiyədə yerləşən xəstəxanalardan birində partlayış olub.

BAKU.WS xəbər verir ki, Ümraniye tədris və tədqiqat xəstəxanasında qeydə alınan hadisəyə qaynar su qazanının partlaması səbəb olub.

Nəticədə tibb müəssisəsinə xeyli ziyan dəyib. Binanın bir neçə divarı partlayışın təsirindən dağılıb. Hadisə yerinə çox sayda yanğınsöndürən briqadası cəlb edilib.

Yaxınlıqda park edilən nəqliyyat vasitələrindən birinə ciddi şəkildə ziyan dəyib. Partlayış zamanı xəstəxanada yaralı və ya ölü olmadığı bildirilib.

BAKU.WS sözügedən xəstəxanadan foto və videonu təqdim edir: