Tehrandakı səfirliyimizə silahlı hücumun bəzi detalları məlum oldu - TƏFƏRRÜAT

27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücumla bağlı bəzi detallar məlum olub.

BAKU.WS İran mediasına istinadən xəbər verir ki, Tehrandakı səfirliyə xain hücumu 50 yaşlı şəxs həyata keçirib.

O, səhər saatlarında "Pride" markalı avtomobili ilə Şəriəti küçəsində yerləşən səfirliyin qarşısına yaxınlaşıb. Daha sonra Azərbaycanın İrandakı səfirliyinin əməkdaşlarını hədələməyə başlayıb. Ardınca səfirlik əməkdaşlarına atəş açmağa başlayıb.

Hücum zamanı "Pride" markalı avtomobildə 14 və 7 yaşlı iki nəfər də olub.

Xain hücumdan sonra silahlı şəxs həbs edilib.

Qeyd edək ki, Azərbaycan səfirliyinə silahlı hücum zamanı bir nəfər şəhid olub, iki nəfər yaralanıb.