İsrail Prezidenti İsxaq Hersoq Azərbaycana rəsmi səfərə gəlib - FOTO

İsrail Dövlətinin Prezidenti İsxaq Hersoq mayın 30-da Azərbaycan Respublikasına rəsmi səfərə gəlib.

BAKU.WS xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

İsrail Prezidenti İsxaq Hersoqu və xanımı Mixal Hersoqu Azərbaycanın Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar.

***07:53

İsrail Prezidenti İsxaq Hersoq Azərbaycana səfərə yola düşüb.

BAKU.WS xəbər verir ki, İsrail Prezidenti bu barədə tvitterdəki hesabında yazıb.

O, bunun mühüm dövlət səfəri olduğunu qeyd edib. İsxaq Hersoq səmimi dəvətə görə Azərbaycan Prezidenti İlham Əliyevə təşəkkür edib.

“Azərbaycan mühüm ölkədir və əminəm ki, mənim səfərim əməkdaşlığın dərinləşməsinə yol açacaq. Biz ümumi yeni imkanları və çağırışları da bölüşürük”, - İsrail Prezidenti qeyd edib.

Departing for Azerbaijan for an important Israeli presidential state visit to a Shi’ite Muslim country. I thank president Ilham Aliyev @presidentaz for the warm invitation. 🇮🇱🤝🇦🇿 pic.twitter.com/VTSkQJSgHa

— יצחק הרצוג Isaac Herzog (@Isaac_Herzog) May 30, 2023

Qalereya