Sərhəddəki gərginliyə görə Ceyhun Bayramova telefon zəngləri gəlməkdə davam edir

Azərbaycanın xarici işlər naziri Ceyhun Bayramov ilə Avropa Xarici Fəaliyyət Xidmətinin baş katibi Stefano Sannino arasında telefon danışığı olub.

Xarici İşlər Nazirliyindən BAKU.WS-ə verilən məlumata görə, tərəflər Azərbaycan və Ermənistan sərhədində baş verən gərginlik ilə bağlı fikir mübadiləsi aparıblar.

C.Bayramov bölgədəki cari vəziyyətlə bağlı həmsöhbətinə məlumat verib və Azərbaycanın bölgədəki gərginliyin aradan qaldırılmasına sadiq olduğunu vurğulayıb.

Tərəflər bu kimi gərginliklərin siyasi və diplomatik yolla həllinin vacibliyini qeyd ediblər.