Səməd Seyidov: "Pakistan bizim yaxın dostumuzdur"

"Azərbaycan və Pakistan arasındakı dostluq münasibətləri davam etdiriləcək və möhkəmləndiriləcək".

BAKU.WS Oxu.Az-a istinadən xəbər verir ki, bu sözləri deputat Səməd Seyidov jurnalistlərə açıqlamasında deyib.

O bildirib ki, Azərbaycan haqqın, ədalətin tərəfində dayanıb və bu nöqteyi nəzərdən Azərbaycanın mövqeyini artıq həm xarici işlər naziri, həm Azərbaycanın deputatları açıq şəkildə nümayiş etdiriblər:

"Biz hesab edirik ki, Pakistan bizim yaxın dostumuzdur. Pakistan həmişə Azərbaycanın ən ağır günlərində Azərbaycanın yanında olub. Ona görə bu münasibətlər davam etdiriləcək, bu münasibətlər möhkəmlənəcək və Azərbaycan ənənəvi olaraq ədalətin, haqqın yanında olacaq".