Səfir: "Hindistan Pakistana dəstək verdiyi üçün Azərbaycan məhsullarını boykot edir"

"Əldə etdiyim məlumata görə, Hindistan Azərbaycandan idxal olunan mallara qadağa qoyub, Pakistana dəstək verdiyi üçün Azərbaycan məhsullarına qarşı boykot çağırışları edilir. Bu, çox yanlış bir qərardır".

BAKU.WS xəbər verir ki, bunu Pakistanın Azərbaycandakı səfiri Qasım Mohuiddin keçirdiyi mətbuat konfransında Oxu.Az-ın sualına cavabında deyib.

"Belə bir qərar verməkdənsə, Hindistan tərəfi bölgədə yaranan gərginliyin aradan qaldırılması üçün təşəbbüskarlıq nümayiş etdirməlidir", - səfir əlavə edib.