Sabah Türkiyə ilə İsveç arasında siyasi məsləhətləşmələr keçiriləcək

İyunun 29-da Ankarada Türkiyə ilə İsveç arasında müntəzəm siyasi məsləhətləşmələr keçiriləcək.

BAKU.WS "Report"a istinadən xəbər verir ki, bu barədə Türkiyə Xarici İşlər Nazirliyi məlumat yayıb.

Müntəzəm siyasi məsləhətləşmələr xarici işlər nazirinin müavini və Avropa İttifaqı üzrə direktor səfir Faruk Kaymakçı və İsveç dövlət katibi səfir Robert Rydberqin həmsədrliyi ilə baş tutacaq.

Siyasi məsləhətləşmələr çərçivəsində Türkiyə-İsveç ikitərəfli münasibətlərinin hərtərəfli müzakirə ediləcəyi, aktual regional və beynəlxalq məsələlər ətrafında fikir mübadiləsi aparılacağı nəzərdə tutulur.