İraqda ABŞ hərbi helikopteri qəzaya uğradı - Ölənlər var

İraqın qərbində hərbçilərin olduğu ABŞ-yə aid hərbi helikopter qəzaya uğrayıb.

BAKU.WS gazeta.ru-ya istinadən xəbər verir ki, bu barədə ABŞ Mərkəzi Komandanlığının qərargahı məlumat yayıb.

Məlumata görə, qəzanı törədən hava gəmisi “Black Hawk” hücum helikopterinin müşayiəti ilə İraqın qərbindəki Ayn əl-Əsəd aviabazasından havaya qalxan “Chinook” nəqliyyat helikopteri olub.

Bildirilib ki, qəza yerində ölən 6 hərbçinin cəsədi tapılıb. Təyyarədə olan yeddinci şəxsin - qadın əsgərin axtarışları davam etdirilir.

Hadisənin hansı səbəbdən baş verdiyi məlum deyil.