İranın 2024-cü il Olimpiadasından kənarlaşdırılması tələb olunur

Bir qrup şəxs Beynəlxalq Olimpiya Komitəsindən (BOK) İranı idmanda ayrı-seçkiliyə yol verməmək prinsiplərini pozduğuna görə, 2024-cü ildə Parisdə keçiriləcək Olimpiya Oyunlarında iştirakdan kənarlaşdırmağı xahiş edib.

BAKU.WS “oxu.az”a istinadən xəbər verir ki, ölkədə idman sahəsində etnik, cinsi, dini, siyasi mənsubiyyətə görə ayrı-seçkiliyə yol verildiyinin qeyd olunduğu müraciətdə Tehran Olimpiya Xartiyasına hörmət etməməkdə ittiham olunur. Burada söhbət əsasən güləş, boks, üzgüçülük, voleybol və gimnastika kimi idman növlərinin qadınlar üçün qadağan edilməsindən gedir.

Məktubun müəllifləri həmçinin İdman Arbitraj Məhkəməsi (CAS) ilə əlaqə saxlamaq və Change.org saytında petisiya yaratmaq niyyətindədirlər.

Mənbə: championat.com