İranda terror törədən şəxsin ruhi xəstəxanaya yerləşdirilməsinə rəsmi Bakıdan REAKSİYA

"İranda Azərbaycan Səfirliyinə hücum edən şəxsin ruhi xəstə olması İranın arqumentidir".

BAKU.WS oxu.az-a istinadən xəbər verir ki, bunu keçirdiyi brifinqdə Xarici İşlər Nazirliyinin mətbuat katibi Ayxan Hacızadə deyib.

O bildirib ki, terrorçunun ruhi xəstəxanaya yerləşdirilməsi başadüşülən deyil.

"O, məqsədli şəkildə terror törədib, şüuru da yerində olub. Tutulandan sonra isə o, İran televiziyalarına müsahibə verdi", - deyə qurumun sözçüsü əlavə edib.

Qeyd edək ki, 27 yanvar 2023-cü il tarixində Bakı vaxtı ilə səhər saat 08:30 radələrində Azərbaycanın İrandakı Səfirliyinə silahlı hücum olub.

Hücum edən şəxs avtomat silahla mühafizə postunu yararaq mühafizə xidmətinin rəisi Orxan Əsgərovu qətlə yetirib.

Səfirliyin mühafizə xidmətinin iki əməkdaşı - Vasif Tağıyev və Mahir İmanov hücumun qarşısını alarkən yaralanıb. Onların vəziyyəti qənaətbəxşdir.