İranda təqaüdçü və sosial sığortadan pensiya alanlar etiraz aksiyası keçiriblər - VİDEO

Xuzestan əyalətinin Əhvaz şəhərində təqaüdçü və sosial sığortadan pensiya alanlar öz vəziyyətləri ilə bağlı etiraz aksiyası keçiriblər.

Bu barədə “Azad İran” “Telegram” kanalında məlumat verilib.

Bildirilib ki, bu gün Əhvazın sosial təminatlı təqaüdçüləri bu şəhərin sosial təminat təşkilatının qarşısına toplaşaraq, həyat şəraitinin pis olmasına və onların problemlərinin həll edilməməsinə etiraz olaraq aksiya keçirib və dövlətin səriştəsizliyi barədə şüarlar səsləndiriblər.