Quterreş iqlim dəyişikliyindən əziyyət çəkən ölkələrə 100 milyard dollar ayrılmasına çağırdı

BMT Baş katibi Antoniu Quterreş zəngin dövlətləri iqlim dəyişikliyinin təsirlərini aradan qaldırmaq üçün inkişaf etməkdə olan ölkələrə ildə 100 milyard dollar ayırmağa çağırıb.

BAKU.WS “Report”a istinadən xəbər verir ki, baş katib Berlində 40 ölkənin iştirakı ilə başlayan iqlim konfransında deyib ki, bu ölkələrin hər il 100 milyard dollar ayrılması ilə bağlı vədini şifahi şəkildə dəstəkləməsi kifayətdir:

“Bu vədin yerinə yetirilməsinin vaxtını, cədvəlini dəqiqləşdirin, konkret məlumatlar verin”.