Qarabağdan erməni meyiti daşıyan maşınlar - VİDEO

Cəbhə xəttində uğurla irəliləyən və qısa müddət ərzində düşmənə misilsiz zərbə vuraraq kəndləri, strateji yüksəklikləri azad edən Azərbaycan Ordusunun əməliyyatları erməniləri sarsıtmağa davam edir.

BAKU.WS xəbər verir ki, İrəvana yaralı, ölü hərbçilər daşıyan təcili yardım maşınlarının axını müşahidə edilir. Bunu əks etdirən görüntülər internet səhifələrində də paylaşılıb. Görüntülərdə Qarabağ istiqamətindən İrəvana təcili yardım maşınlarının ardı-arasının kəsilmədiyi açıq-aydın görünür.

İşğal altında olan ərazilərdən döyüşlərin ilk günü yüzlərlə insan qaçıb. Xankəndində yerləşdirilən ermənilər savaşın ilk gecəsini sığınacaqlarda gizlənməklə keçiriblər.

Xatırladaq ki, ötən gün ermənilərin Ağdərədən qaçdığı kadrlar yayılıb. Kadrlardan göründüyü kimi, ermənilər maşınlarda döyüş bölgəsini təcili tərk etməyə çağırırlar.