Qarabağda yaşayan erməni sakinlərin “Laçın” sərhəd-buraxılış məntəqəsindən sərbəst keçidi davam edir

Qarabağda yaşayan erməni sakinlərin “Laçın” sərhəd-buraxılış məntəqəsindən sərbəst keçidi davam edir.

BAKU.WS APA-ya istinadən xəbər verir ki, sentyabrın 5-də Beynəlxalq Qızıl Xaç Komitəsinə (BQXK) məxsus 9 avtomobildə ümumilikdə 29 nəfərin Laçın sərhəd-buraxılış məntəqəsindən keçməklə Xankəndi-Gorus istiqamətində hərəkəti təmin olunub.

Onlardan 4 nəfər BQXK-nın əməkdaşı, 9 nəfər sürücü, 9 nəfər xəstə, 6 nəfər müşayiətçi, 1 nəfər isə tibb işçisi olub.

Bu, bir daha göstərir ki, Laçın yolunun bağlı olması barədə erməni tərəfinin iddiaları əsassızdır. Laçın sərhəd-buraxılış məntəqəsi humanitar məqsədlər üçün açıqdır.