Paşinyan: Azərbaycanla sülh sazişi mütləq imzalanacaq

Ermənistanın Baş naziri Nikol Paşinyan Azərbaycanla sülh sazişinin mütləq həyata keçiriləcəyinə əmin olduğunu bildirib.

BAKU.WS xəbər verir ki, bu barədə o, Ermənistan KİV-lərinə açıqlama verərkən bildirib.

Paşinyan deyib: "Mən bunu əvvəl də demişdim və bir daha vurğulayıram: diplomatik proses sakit və ardıcıl şəkildə davam edir. Sülh sazişinin imzalanacağına şübhəm yoxdur. İndi yalnız sual budur ki, bu, apreldə, mayda, iyunda yoxsa sentyabrda baş verəcək, amma nəticə etibarı ilə saziş mütləq imzalanacaq".