Nuland regional və qlobal məsələləri müzakirə etmək üçün Türkiyəyə səfər edəcək

ABŞ dövlət katibinin müavini vəzifəsini icra edən Viktoriya Nuland yanvarın 28-29-da Türkiyənin paytaxtı Ankaraya səfər edəcək.

“Report” bu barədə ABŞ Dövlət Departamentinin mətbuat xidmətinə istinadən xəbər verir.

“Ankarada dövlət katibinin müavini vəzifəsini icra edən Nuland yüksək səviyyəli hökumət rəsmiləri və aparıcı biznesmenlərlə birlikdə üzərində çalışdığımız ikitərəfli, regional və qlobal məsələlərin bütün spektrini müzakirə etmək üçün görüşəcək”, – məlumatda qeyd olunub.