İndiyə kimi yaşanılan ən qısa gün iyunda qeydə alındı

İyunun 29-u Yer kürəsi öz oxu ətrafında baş tutan dövrəsini 24 saatdan və ya 86 min 400 saniyədən daha erkən başa vurub.

BAKU.WS xarici mediaya istinadən xəbər verir ki, İngiltərə Beynəlxalq Fizika Laboratoriyası dünyada indiyə qədər qeydə alınan ən qısa günün iyunun 29-da olduğunu və bu günün normaldan 1,59 millisaniyədən daha tez başa çatdığını qeyd edib.

Elm adamları 1960-cı ildən bu yana hər günün uzunluğunu ölçür. Bəzi məbələrə görə, Yer kürəsinin fırlanma sürətinin azaldığı sezilsə də bu sürət dalğalı formada baş tutur.