Nazir: “2024-cü ildə Ermənistanla münasibətlərin normallaşdırılması prosesini irəliyə aparacağımıza inanırıq”

“Azərbaycan 2024-cü ildə Ermənistanla münasibətlərin normallaşdırılması prosesini irəliyə aparacağına inanır. Amma 2024-cü ilin ikitərəfli gündəliyi barədə məlumat vermək erkəndir”.

Bunu xarici işlər naziri Ceyhun Bayramov 2023-cü ilin yekunlarına dair keçirdiyi mətbuat konfransında deyib.

O bildirib ki, Ermənistan Azərbaycana sülh planını təqdim edib.

“Azərbaycan həmin plana cavabını verib. İnanırıq ki, növbəti ildə ikitərəfli təmaslar nəticəsində sülh gündəliyi irəliyə aparılacaq”, - deyə nazir əlavə edib.//oxu.az