Milli Məclis Xocalı soyqırımı ilə əlaqədar 75 ölkənin parlamentinə məktub göndərib

Milli Məclis Xocalı soyqırımının 30 illiyi ilə əlaqədar bəyanat verəcək.

BAKU.WS xəbər verir ki, Milli Məclisin bu gün keçirilən iclasının birinci hissəsi Xocalı soyqırımına həsr edilib. İclasın əvvəlində Xocalı soyqırımının qurbanlarının xatirəsi bir dəqiqəlik sükutla yad edilib.

Milli Məclisin sədri Sahibə Qafarova bildirib ki, Xocalı soyqırımı son 200 ildə xalqımıza qarşı həyata keçirilən qəsibkarlıq və etnik təmizləmə siyasətinin yeni qanlı səhifəsidir:

“Milli Məclisin sədri kimi 75 ölkənin parlament sədrlərinə və 10 beynəlxalq təşkilata Xocalı soyqırımı ilə əlaqədar məktublar göndərmişəm”.