Məcburi köçkünlərlə qayıdış üçün Razılaşma Protokolu imzalanır

Ölkənin müxtəlif bölgələrində məskunlaşan məcburi köçkünlərin azad olunmuş bölgələrə qayıtması üçün sənədləşmə işlərinə start verilib.

BAKU.WS xəbər verir ki, bu barədə “gununsesi.info”ya hökumətdəki mənbələr deyib.

Məlumata görə, Qaçqın və Məcburi Köçkünlərin İşi Üzrə Dövlət Komitəsinə bununla bağlı təlimat verilib.

Təlimata görə, komitə əvvəlcədən müəyyən edilmiş rayon və kəndlərin sakinləri ilə qayıdışla əlaqədar olaraq İlkin Razılaşma Protokolunu imzalamalıdır.

Artıq belə Protokol Ağdam şəhəri və şəhərə birləşdiriləcək (Çuxurməhlə, Keştazlı, Qarazeynallı, Qullar, Seyidli, Bozpapaqlar, Sarıhaclı, Muradbəyli, Pərioğlullar, Ağdamkənd) kəndlərində daimi qeydiyyatda olan sakinlərin ailə başçıları ilə imzalanıb.