Krımda 9 may paradı keçirilməyəcək

Mayın 9-da Krımda hərbi paradın və “Ölməz alay”ın yürüşünün keçirilməsi nəzərdə tutulmayıb.

BAKU.WS Rusiya mətbuatına istinadən xəbər verir ki, bu barədə Krımın rəhbəri Sergey Aksyonov məlumat verib.

“Bu, təhlükəsizlik məsələləri ilə bağlıdır. Bununla belə, biz veteranlarımıza mütləq ehtiram göstərəcəyik, həlak olanların xatirəsini ehtiramla yad edəcəyik, müxtəlif formatlarda bayram tədbirləri keçirəcəyik”, - deyə o, bildirib.