Marina Silva: COP30-un uğurlu keçirilməsi üçün Bakıdakı COP29-da səyləri birləşdirmək lazımdır

Qarşılaşdığımız bütün çətinliklərə baxmayaraq, Braziliyada COP30 konfransının uğurla keçirilməsi üçün Bakıdakı COP29-da yekun razılaşmaya gəlmək və səyləri birləşdirmək lazımdır.

"Report" xəbər verir ki, bunu Braziliyanın ətraf mühit və iqlim naziri Marina Silva COP29-un yekun plenar iclasında bildirib.

"Bizim Azərbaycandakı əsas vəzifəmiz "Missiya 1.5"in hədəfinə çatmaq üçün kifayət qədər resursları, maliyyə dəstəyini və reallaşdırma mexanizmlərini təmin etməkdir. COP30-a qədər biz milli səviyyədə müəyyən edilmiş töhfələrin (NDC) bu missiyanı yerinə yetirmək üçün kifayət qədər iddialılığına nail olmalıyıq", - nazir deyib.