Türkiyədə naməlum şəxs küçə-küçə gəzərək qarşısına çıxan hər kəsi bıçaqlayıb - 11 yaralı - VİDEO

Türkiyədə, İstanbulun Esenyurt rayonunda naməlum şəxs küçədə gəzərək tanımadığı insanları bıçaqlayıb.

BAKU.WS Türkiyə mətbuatına istinadən xəbər verir ki, bıçaqlanan 11 nəfər xəstəxanaya çatdırılıb.

Məlumata görə, ərazidəki təhlükəsizlik kameralarını araşdıran polislər təcavüzkarın kimliyini müəyyənləşdirə bilib.

Şübhəlinin tutulması üçün araşdırmalara başlanılıb. Həmin şəxsin bir nəfəri bıçaqladığı anlar da təhlükəsizlik kamerasına düşüb.