Keçmiş təhsil nazirindən etiraf: "İranda 9 milyona yaxın savadsız insan var" - FOTO

İranın sabiq təhsil naziri Yusif Nuri bildirib ki, 2015-ci ilin siyahıyaalınmasına əsasən, ölkədə 8 milyon 795 min təhsilsiz insan var.

Bu barədə "Azad İran" teleqram kanalı məlumat verib.

Yusif Nuri ölkəsində təhsilin vəziyyəti ilə bağlı İran televiziyasının Təhsil kanalında çıxış edərkən deyib:

"Bizim İran Statistika Mərkəzinin açıqladığı hesabatlara əsaslanan 2015-ci ildə savadsızlar haqqında statistik məlumatlarımız var".

Qeyd edək ki, İranda 9 milyona yaxın təhsilsiz insanın olması ölkə əhalisinin təxminən 10%-nin mütləq savadsızlığı deməkdir ki, bu da yüksək göstəricidir.