Karyerasını bitirən məşhur tennisçi oğurluq etdi - Polislər onu axtarır - FOTO

Mayın əvvəllərində karyerasını bitirdiyini deyən italiyalı tennisçi Kamila Corci modelliklə məşğul olmağa başlamışdı.

BAKU.WS xəbər verir ki, hazırda o ABŞ-yə qaçıb və vergidən yayınmaqda, eyni zamanda qədim əşyaları oğurlamaqda ittiham edilir.

İtaliya qəzeti "La Gazzetta dello Sport" onun polislər tərəfindən axtarışda olduğunu qeyd edib.

Florensiya Baş Prokurorluğunun apardığı araşrırmalara görə, Corci və ailə vergidən yayınıb, xeyli borcu var.

O ailəsi ilə qaldıqları evin kirayə haqqını ödəməyib, mənzildə olan qədimi əşyaları isə oğurlayıb.

Xatırladaq ki, bir zamanlar uğurlu karyerası olan Corci 2018-ci ildə Wimbledonda dörddəbir finala çıxaraq dünya sıralamasında 26-cı yerə yüksəlib.