İcraçı direktor: "Evlərin qiyməti əlçatan olmalıdır"

"Dünyada ailələrin çoxu gəlirlərinin 30 faizindən çoxunu mənzillər üçün xərcləyirlər".

BAKU.WS Oxu.az-a istinadən xəbər verir ki, bu fikirləri BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumunun 13-cü Sessiyası (WUF13) çərçivəsində keçirilən "Qlobal Mənzil Böhranı - Çıxış Yolu və Fəaliyyət Planı" adlı müzakirədə deyib.

O bildirib ki, 2 milyard insanın içməli su problemi var:

"Dünyada mənzil böhranı getdikcə artır. 2 milyard insan əziyyət çəkir. Biz binaları tikməklə problemi həll edə bilmərik. Evlərin qiyməti əlçatan olmalıdır. Siyasi qərarlarla problemlərin həlli istiqamətində addımlar ata bilərik. Bu konteksdə WUF13 böhranla mübarizə aparmaqda bizə kömək olacaq".